Brúarskóli við Dalbraut sinnir kennslu nemenda sem eru á BUGL (Barna-og unglingageðdeild Lsp.). Skólinn er ein af fimm starfsstöðvum Brúarskóla og er staðsettur á Dalbraut 12 í Reykjavík. Allar starfsstöðvar Brúarskóla vinna að sama markmiði sem lesa má nánar um hér.
- Sími: 411 7985
- Netfang: birna.hjaltadottir@rvkskolar.is
Nemendur
Að jafnaði eru 14 nemendur í skólanum í 1. til 10.bekk og lengd skólavistar einstaklingsbundin.
Kennslutími
Skólatími nemenda er alla virka daga vikunnar frá kl.8:30 til 12:10. Vegna síbreytilegrar samsetningar nemendahópsins er árgangablönduð samkennsla í fámennum hópum.
Kennslan er einstaklingsmiðuð í samræmi við námslega stöðu hvers nemanda og eftir getu og áhuga hvers og eins. Meginmarkmið kennslunnar er að styðja nemendur í námi þeirra í jákvæðu námsumhverfi og að efla félagslega færni og sjálfstraust nemenda.
Samstarf
Kennarar skólans eru í nánu samstarfi við starfsfólk á BUGL og við heimaskóla hvers nemanda. Að auki er faglegt samstarf og fræðsla við Vesturhlíð.